काठमाण्डौं, माघ ९ - सुदूरपश्चिममा प्रस्तावित मुलुकको सबैभन्दा ठूलो ७५० मेगावाट क्षमता भएको जलाशययुक्त पश्चिम सेती जलविद्युत आयोजनाका लागि सञ्चार तथा परामर्श अधिकृतको छनोट प्रकृया पूरा भएको छ ।

विभिन्न परीक्षाका माध्यमबाट १० जना सञ्चार तथा परामर्श्र्ााधिकृत र ५ जना वैकल्पिक उम्मेदवारहरूको छनोट गरिएको छनोट कार्यमा संलग्न स्वतन्त्र व्यावसायिक संस्था रियल सोलुसन्स् प्रा.लि. ले हिजो जानकारी दिएको छ । सो संस्थाले २०६५ श्रावणमा गरिएको दरखास्त आव्हान र त्यसयता स्थानीय समुदायका प्रतिनिधि र आयोजनाका प्रतिनिधिहरूसमेतको पर्यवेक्षणमा सम्पन्न भएका परीक्षाका माध्यमबाट ती अधिकृतहरूको छनोट गरेको हो ।

आयोजना प्रभावित बासिन्दालाई रोजगारीमा प्राथमिकता दिएर छनोट गरिएका सम्पर्ूण्ा उम्मेदवार प्रभावित क्षेत्रकै भएको जानकारी पनि दिइएको छ । सफल उम्मेदवारमध्ये दर्ुइ जना महिला रहेको पनि सूचनामा जनाइएको छ ।

सफल उम्मेदवारहरूमा पुष्करबहादुर सिंह, विक्रम भण्डारी, नारायणबहादुर बलायर, दीपेन्द्र साउद र वीरबहादुर महरा रहेका छन् । यसै गरी गणेशबहादुर बिष्ट, भिषमबहादुर बलायर, इन्द्रमणि अवस्थीका साथै कमलाकुमारी भण्डारी र मायाकुमारी भट्ट पनि पश्चिम सेती जलविद्युत आयोजनाको सञ्चार तथा परामर्श अधिकृतको लागि लिइएको परीक्षामा उत्तर्ीण्ा भएका छन् ।

परीक्षाबाट वैकल्पिक उम्मेदवारका रुपमा छानिएकाहरूमा खडकबहादुर सिंह, दर्ीघराज जोशी, अक्कलबहादुर रोकाया, हरिसिंह साउद र शङ्कर दमाईं रहेका छन् । छनोट भएका उम्मेदवारहरूलाई २०६५ माघ १२ गतेभित्र रियल सोलुसन्स् प्रा.लि.मा सर्म्पर्क गर्न सो संस्थाले आव्हान गरेको छ । सो अवधिभित्र सर्म्पर्क नगरेमा वैकल्पिक उम्मेदवारहरूलाई क्रमानुसार अवसर दिइने पनि रियल सोलुसन्स्ले जनाएको छ ।

आयोजनाको तत्कालीन आवश्कताअनुसार ७ जना सञ्चार तथा परामर्श अधिकृतको लागि आवेदन आव्हान गरिएको थियो ।

स्थानीय परामर्श एवम् छलफल कार्यक्रमहरूपछि आयोजनाका सूचना प्रवाह र परामर्शका गतिविधिहरूलाई अझै प्रभावकारी बनाउनका लागि थप अधिकृत आवश्यक परेको जानकारी वेष्ट सेती हाइड्रो लिमिटेडले गराएबमोजिम कूल १० जना उम्मेदवारहरूलाई छनोट गरिएको रियल सोलुसन्स्ले जनाएको छ । सोही परीक्षाबाट प्राप्त परिणामका आधारमा १० जनालाई छनोट गर्न सकिएकोमा रियल सोलुसन्स्ले खुसी पनि प्रकट गरेको छ ।